Директорот на стумичката болница преку Фејсбук бара донации за болничко возило

Директорот на струмичката општа болница, Наќе Гогов, преку Фејсбук бара донации со кои ќе се купи болничко возило.

Тој вели дека постојните болнички возила се застарени и малку на број, а потребите на болницата се зголемени поради пандемијата со Ковид-19.

„Ве замолувам сите кои сте во можност и сакате да донирате од срце , каде сумата ќе биде по ваша желба да донирате на следната жиро сметка :660270170248596 . Се надевам дека ќе ја покажеме хуманоста на дело“, напиша директорот Гогов на Фејсбук.

Тој вели е свесен дека не би требало да се бараат донации преку Фејсбук, но “ЈЗУ Општа болница -Струмица” има потреба од ново болничко возило кое ќе биде од корист за сите граѓани од Струмица и струмичкиот регион.