пред 3 години Предолго Филипче наместо мерки водеше ПР со епидемијата – затоа Македонија ја снајде катастрофа, 22 починати и 1.192 заразени во еден ден, велат од ВМРО-ДПМНЕ преку соопштение.
„Додека министерот геноцид, Венко Филипче прави хумористични видеа Македонија има нов најцрн ден во епидемијата со корона вирусот. Бројот на заболени во последното деноноќие е 1.192 и на 22 починати лица.
Филипче нема кого не обвини за својата неспособност, ама редно време е да собере храброст и да поднесе оставка. Неспособноста на власта да се справи со епидемијата граѓаните ја плаќаат со своето здравје и со своите животи. Премногу долго Филипче се справуваше со заразата само со гол ПР, со статистички прес конференции, со флоскули дека се е под контрола и заради тоа имаме катастрофална состојба. Вирусот се шири без контрола, никој не знае какви кластери има, граѓаните не можат да закажат тестирање, а за жал се повеќе луѓе не можат да си обезбедат здравствена заштита и нега.
Филипче и Заев имаа девет месеци да се подготват за есенскиот бран, арно ама ништо не сработија. Наместо мерки тераа политика, наместо заштита на граѓаните тие водеа политички маркетинг. Резултатот на тоа сега е држава која е црн рекордер во регионот и пошироко во Европа по број на заболени и смртност.
Мора да има одговорност од Заев и од Филипче за катастрофата која ја снајде Македонија“, се наведува во соопштението на ВМРО-ДПМНЕ.
Би можело да ве интересира
Европските уметници Жмијевски и Алтхамер ќе создаваат колажни дела во МСУ, дел од нив ќе ги подарат на музејот
Промоција на книгата со музички интервјуа „Уште музика, уште муабети“
Авионски, во четврток телата на загинатите во автобуската несреќа ќе бидат пренесени во Скопје
Денеска сончево и топло со мала до умерена облачност, од утре врнежи и пад на температурите
24 Мај – Ден на сесловенските просветители неработен за сите граѓани
Вонреден инспекциски надзор и во болницата во Битола по фотографиите дека пациент прима инфузија покрај починати лица
