Њујорчани должат над една милијарда долари неплатени кирии

пред 8 месеци

Закупците на станови во Њујорк должат на име на неплатени станарини во текот на пандемијата на Ковид-19 повеќе од една милијарда долари, покажуваат резултатите од едно истражување, пишува Волстрит џурнал.

Износот на овој долг е уште една потврда дека надоместоците за невработеност и досегашните сојузни пакети за стимулација не биле доволни за ублажување на растечкиот финансиски товар на неплатените закупнини кои ги притискаат илјадници домаќинства во оваа метропола, наведува весникот.

Организациите кои ги застапуваат сопствениците на станови и станарите, силно лобирале за зголемена државна помош за закупнините за време на пандемијата.

Истражувањето, спроведено од групацијата сопственици на станови Програма за подобрување на домувањето (CHIP), се фокусираше на зградите во Њујорк, кои се предмет на градските закони за закуп. Апартманите во тие згради сочинуваат околу половина од вкупните станови за изнајмување во Њујорк.

Студијата, заснована на собрани одговори од сопственици на станови, проценува дека дури 185.000 домаќинства кои живеат во овие станови доцнат повеќе од два месеца со плаќање на киријата, а просечниот долг надминува 6.000 американски долари.

Џеј Мартин, генерален директор на CHIP, изјави дека долгот за закупнини во останатите згради во Њујорк, кои не биле опфатени со истражувањето, е веројатно ист или поголем, што значи дека вкупниот долг на потстанарите во Њујорк веројатно надминува две милијарди долари.

Во декемврискиот федерален пакет за поддршка за време на коронавирусот, за Њујорк биле наменети 1,3 милијарди американски долари помош за решавање на проблемите со кириите.

Share

Watch Mobile Suit Gundam 00 (Dub) Episode 25

Watch Lupin III: Crisis in Tokyo Episode Full

Website https://kissanime.mx: Watch Kishin Douji Zenki Gaiden: Anki Kitan kissanime Episode Full kissanime tower of god

AnimeHeaven - Watch HD Anime Online Free | AnimeHeaven.pro

Dashburst: https://dashburst.com/kissanimemx

Divephotoguide: http://www.divephotoguide.com/user/gogoanimebe

Scroll to Top