Грешка во проценката, вели Брус Вилис откако беше фотографиран во аптека без маска на лице

пред 3 години

Фотографија на која се гледа Брус Вилис како влегува во деловен простор во јужна Калифорнија без заштитна маска предизвика лавина коментари во медиумите во понеделникот.

И покрај тоа што владата во Калифорнија воведе строги правила во обид да го спречи ширењето на Ковид-19, холивудскиот актер е прикажан како купува во аптека во Лос Анџелес, без да носи маска за лице.

Еден ден потоа, ѕвездата на „Умри машки“ (65) во кратка изјава за „Пипл“, вели дека потегот е грешка во проценката. „Бидете безбедни сите каде и да сте, и да продолжиме да се маскираме“, додаде тој.

Некои медиуми објавија дека Вилис одбил да го покрие лицето кога влегол во продавницата RiteAid , иако се гледало дека носи марама околу вратот, која лесно може да се навлече преку устата и носот.

Вилис неодамна сподели и ретка фотографија покрај неговата сопруга Ема (42) и нивните две ќерки Евелин (6) и Мејбел (8).

Share
Scroll to Top