(Фото) Првата дама им правеше тостови на децата од едукативниот центар во Шуто Оризари

Сопругата на претседателот Пендаровски, Елизабета Ѓоргиевска ги посети децата од едукативниот центар „Мали пријатели“ во Шоуто Оризари, заедно со Христијанскиот центар 490 и Ретвитни оброк.

Таа раскажа дека е воодушевена од посветноста вработените и волонтерите, но и дека имала прекрасна дружба со децата од дневниот едукативен центар „Мали пријатели“.

„Ми ги покажаа нивните боенки и игрите кои најмногу ги сакаат. Неизмерно сум им благодарна за прекрасното претпладне, за прегратките и насмевките, како и за креативниот подарок што самите го направија. Насмевки, детски погледи полни со топлина и многу прегратки за благодарност од дечињата со кои денеска се дружевме во Шутка“, напиша Ѓоргиевска.