„Административците ќе земат К15 поради СДСМ, на Мицкоски му стана бренд китењето со туѓи перја“, велат од Социјалдемократскиот сојуз

„На Христијан Мицкоски китењето со туѓи перја му стана единствен бренд, секој ден неговата Влада се фали само со проекти и политики на СДСМ“, велат од Социјалдемократскиот сојуз.

„Вработените во јавната администрација земаат К-15 заради политиките на СДСМ. СДСМ го врати регресот за годишен одмор со новите колективни договори и покажа вистинска грижа за работниците.

Тоа што Владата на Мицкоски соопштува дека обезбедила пари е смешно, што и е друго работа? Пари има, во прашање се приоритетите.

СДСМ во време на најголемите кризи обезбедуваше средства и за К-15 но и за покачување на платите на работници, нешто што оваа Влада го замрзна и најавува дека нема да ги покачи платите“, соопшти СДСМ.

Текстот „Административците ќе земат К15 поради СДСМ, на Мицкоски му стана бренд китењето со туѓи перја“, велат од Социјалдемократскиот сојуз е превземен од МАКФАКС.