пред 3 месеци 
Пожар избувна во подрумски простории во зграда во скопската населба Чаир, а неколкумина станари, пожарникар и полицаец побарале лекарска помош откога вдишиле од чадот.
Според информациите од МВР, пожарот избувнал синоќа, а противпожарната бригада добила пријава дека огнот се раширил од магацин на неутврдена површина на улицата Прохор Пчински во Скопје.
Пожарот зафатил и продавница, а интервенирале 20 пожарникари со седум противпожарни возила.
Екипите на противпожарната бригада веднаш излегле на терен, а според информациите, биле евакуирани 100-ина лица.
Текстот (Видео) Пожар во зграда во Чаир, станарите евакуирани, неколкумина побарале лекарска помош оти вдишиле чад е превземен од МАКФАКС.