Во Крушево можен прекин на водата во текот на денот по вчерашното невреме

Можен е прекин на водата во текот на денот поради проблеми со електричната енергија од вчерашното невреме.

Од ЈП „Комуна“ – Крушево информираат дека од страна на ЕВН неофицијално биле известени за проблеми во снабдувањето со електрична енергија и тоа може да влијае на работата на пумпната станица во Норово и водоснабдувањето на дел од градот.

„До овој момент немаме потврдна информација, но голема е веројатноста да настапат прекини во водоснабдувањето на градот како последица на проблемите со електричната енергија.

Секоја подетаљна информација ќе биде навремено споделена со граѓаните на Крушево и со корисниците на услугите на „Комуна“.

Поради намалена издашност на изворите, „Комуна“ ја вклучува во функција пумпната станица во Норово. Имаме најава за одредени проблеми на мрежата за снабдување со електрична енергија и тоа ќе оневозможи водоснабдување преку пумпата. Од досегашните информации, кои се сѐ уште неофицијални, постои веројатност за прекини во водоснабдувањето на делови од градот Крушево“, изјавија од ЈП „Комуна“ – Крушево.

Текстот Во Крушево можен прекин на водата во текот на денот по вчерашното невреме е превземен од МАКФАКС.