пред 3 години
Јас имам визија што точно треба да се направи за Велес и како треба да се развива Велес во следните четири години. За Велес и Велешани доаѓаат убави денови, рече кадидатот за градоначалник на Велес од ВМРО-ДПМНЕ, Марко Колев.
Тој кажа дека ќе реализира сѐ од предизборната кампања.
„Генералниот урбанистички план кој е стар повеќе од 16 години заеднички мораме да го донесеме час поскоро, без ГУП нема развој, проблемот со сообраќајниот хаос во централното градско подрачје планираме да го решаваме во фази и веќе сме во консултации со најдобрите сообраќајни инжинери во Македонија, проблемот со кучињата скитници кој со години ги мачи велешани ќе го решаваме на регионално ниво“, рече Колев.
Во програмата како приоритет е изградбата на кејот на реката Вардар, а Колев најави и изградба на првиот Велосипедски парк во Македонија, кој ќе биде надвор од градот, помеѓу Велес и езерото Младост.
„Ова се мал само дел од проектите кои ќе се најдат во предизборната програма. Во иднина Велес го гледам како поубав град во кој ќе живеат моите и вашите деца, град кој ќе биде развиен и просперитетен, град на културата и спортот, но најважно град на насмеани лица, заборавивме да се смееме, мораме да ја вратиме насмевката кај граѓаните на Велес и на Македонија“, рече Колев.