пред 6 месеци 
Денеска министерот за одбрана Владо Мисајловски оствари средба со амбасадорот на Јапонија, Казуја Оцука и одбранбеното аташе полковник Ивасаки Томофуми.
На средбата се разговараше за пријателските односи со Јапонија, потребата од зајакнување на билатералните врски и воспоставување на одбранбена соработка меѓу двете земји.
Мисајловски изрази благодарност за континуираната поддршката и придонесот на Јапонија во јакнење на стабилноста и просперитетот на Западен Балкан. На новопоставеното одбранбено аташе, полковникот Ивасаки, му посака успех во работата.
Јапонскиот амбасадор Оцука се заблагодари за средбата и изрази поддршка за претстојните реформските процеси во насока на развој на земјава и остварување на втората стратешка цел, членство во Европската Унија.
Текстот Мисајловски – Оцука: изразена поддршка за претстојните реформските процеси е превземен од МАКФАКС.