СДСМ: Противпожарната бригада има гориво за уште неколку денови, загрижувачка е неспособноста на Арсовска

Секојдневно на виделина испливува неспособноста на Данела Арсовска. Според јавно достапните информации Противпожарната бригада има гориво за само уште една недела. Ваквата неодговорност е загрижувачка, затоа што се работи за основен ресурс на еден од најважните сервиси на Градот, се вели во соопштението од СДСМ.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Од партијата додаваат дека во ваква ситуација може да дојде до попречување на редовното функционирање на противпожарната бригада со што во опасност може да се доведе општата безбедност и здравјето на граѓаните.

Поради неспособноста на Арсовска, претходно Град Скопје остана без принтери, а неколку денови граѓани на цели општини останаа без јавен превоз затоа што Град Скопје не им плаќаше на приватните автобуски превозници.

Скандали, неработа и неспособност, тоа ги одбележа првите седум месеци од мандатот на Арсовска и ВМРО-ДПМНЕ.

Арсовска е дефинитивно најнеуспешниот градоначалник на Град Скопје и едно од најголемите разочарувања за граѓаните, се вели во соопштението.