пред 3 години Џиновска скулптура направена од остатоците од експлозијата што се случи минатото лето во пристаништето во Бејрут, беше откриена денеска во пристаништето, предизвикувајќи поддршка од некои, но и гнев кај другите Либанци кои веруваат дека правдата треба да дојде пред спомен -обележјето.
Скулптурата, наречена „Гест“, е дело на либанскиот архитект Надим Карам, жител на Бејрут и уметник кој вели дека сакал да им оддаде почит на семејствата на жртвите од експлозијата.
Работата беше финансирана од голем број приватни компании.
„ Имате гигант направен од пепел, лузни од градот и лузни од луѓе кои се уште не се излекувани“ рече Карам и додаде дека се надева дека семејствата на оние што го загубиле животот ќе гледаат позитивно на работата.
Во експлозијата на пристаништето во Бејрут загинаа повеќе од 200 луѓе, илјадници беа повредени, а уништени се големи делови од градот. Една година подоцна, ниту еден висок функционер не одговараше бидејќи локалната истрага не напредуваше.