пред 3 години Министрите за надворешни работи на земјите членки на Г7 ги осудија, како што ги нарекуваат, злосторствата извршени од руските сили во Украина и изјавија дека сторителите ќе одговараат.
– Ние, министрите за надворешни работи на Г7 на Канада, Франција, Германија, Италија, Јапонија, Обединетото Кралство и САД и високиот претставник на Европската Унија, силно ги осудуваме злосторствата извршени од руските вооружени сили во Буча и голем број други украински градови – се вели во заедничкото соопштение.
Тие велат дека ужасите во Буча ќе бидат на листата на тешки злосторства и кршење на меѓународното право.
– Сликите на убиени цивили, жртви на тортура и егзекуција, извештаи за сексуално насилство и уништување на цивилна инфраструктура го покажуваат вистинското лице на бруталната војна на Русија против Украина и нејзиниот народ. Ужасите во Буча и други украински градови ќе бидат вклучени во списокот на злосторства и тешки прекршувања на меѓународното право, вклучително и меѓународното хуманитарно право и човековите права, извршени од агресорот на украинска територија – се наведува во заедничкото соопштение.
Министрите рекоа дека се подготвени да обезбедат дополнителна помош за Украина, вклучувајќи воена опрема и финансиска помош.
Тие рекоа дека се убедени оти Русија треба да биде суспендирана од Советот за човекови права на ОН, што ќе биде предмет на гласање.