пред 3 години Рано утрово во Глифада, едно од најголемите предградија на Атина, експлодирала импровизирана експлозивна направа.
Експлозијата се случила нешто пред 04:00 часот пред станбен комплекс, јавуваат грчките медиуми.
Според грчкиот портал „Катимерини“, експлозивната направа непознати лица ја поставиле пред станбениот комплекс на улица „Оиноис“ бр.64 во раните утрински часови.
Во експлозијата се оштетени три возила и влезот во комплексот.
Пожарникарите излегле на местото на настанот, додека полицијата врши увид кој би можел да биде цел на нападот.