пред 3 години Михаил Подољак, советник на кабинетот на претседателот на Украина, ги објави условите за мировен договор меѓу Русија и Украина. Според него, тоа може да потрае од неколку дена до недела и половина, пренесуваат агенциите.
Според Подољак, и украинската и руската делегација во моментов се на своите позиции.
„Координацијата на спорните точки може да трае од неколку дена до една и пол недела. За тоа време треба да се доближиме до изготвување мировен договор“, рече тој.
Еден од клучните аспекти за Киев, истакна Подољак, е итно повлекување на руските трупи.
Советникот на Кабинетот на претседателот рече и дека во преговорите освен Русија и Украина, учествуваат и претставници на Полска. Потпишувањето на мировниот договор, сигурен е тој, „може само да стави крај на акутната фаза на конфликтот и да ни овозможи да продолжиме да оплакуваме за сите загинати и да ја обновиме земјата“.
Подољак претходно го нарече услов за средба меѓу претседателите на Русија и Украина, Владимир Путин и Владимир Зеленски: според него, таа може да се одржи дури по склучувањето на мировниот договор.
Претходно, „Фајненшл тајмс“, повикувајќи се на тројца учесници во преговарачкиот процес, објави дека Русија и Украина за време на разговорите развиле мировен план од 15 точки. Тие вклучуваат намалување на вооружените сили на Украина и најава на Киев за неутралност.