пред 11 месеци 
„Ако на почетокот на украинскиот конфликт, десетици илјади Украинци, обземени од патриотизам, решија доброволно да се приклучат на вооружените сили на Украина, сега, по две години крвави конфликти, се повеќе мажи во таа земја ја избегнуваат воената служба, а се почести се повиците за демобилизација на војниците од линијата на фронтот“, пишува Њујорк Тајмс.
Најочигледната промена на расположението во општеството се одразува со жестоките дебати за предлог-законот за нови правила за мобилизација.
Документот беше доставен до парламентот на разгледување во декември, но итно беше испратен на ревизија.
Процесот на прием во армијата се повеќе предизвикува незадоволство во украинското општество, бидејќи е сè поагресивен и обоен со корупција. Никој во украинската влада, како и во украинското воено раководство, не сака да преземе одговорност за масовната мобилизација, посочува весникот.
Прашањето за пополнување на редовите на вооружените сили на Украина е, како што наведува весникот, еден од многуте проблеми со кои се соочува режимот во Киев, а во последните неколку месеци станува се поактуелен. Украинската армија трпи големи загуби, а напорите за обнова на силите на линијата на фронтот се отежнати.
Дури и војниците на фронтот го свртуваат вниманието на фактот дека бројот на нови војници, како и нивниот квалитет, се позначајно се намалува, заклучува авторот на написот.
Текстот Во Украина веќе нема доброволци за фронт, пишуваат американските медиуми е превземен од МАКФАКС.