пред 2 години
Пејачката Доџа Кет на црвениот тепих на Модната недела во Париз се појави во креација на која имаше 30 илјади рачно поставени Сваровски кристали. Таа беше облечена во црвен свилен корсет и рачно плетено здолниште од лакирани дрвени монистри, дополнувајќи го изгледот со високи црвени чизми.
За изгледот на Доџа Кет, нејзината шминкерка Пет Мекграт потрошила 4 часа и 58 минути бидејќи рачно ги поставувала кристалите со својот тим на кожата на Доџа.
„Задоволство ми е да работам со прекрасната Доџа Кет и неверојатниот Даниел Роусбери на изгледот „Пеколот на Доџа“ за колекцијата висока мода на Скиапарели FW23. Возвишеното трпение на Доџа во текот на 4 часа и 58 минути потребни за изгледот, кој беше покриен со повеќе од 30.000 рачно нанесени сваровски кристали“, напиша Мекграт.
