пред 2 години Деновиве на големо се зборува за Мел Гибсон и неговата посета во Сараево. Наводно глумецот бил во ресторанот Брајловиќ, кој е познат по одличните ќебапи, а откако вработените објавија фотографија со него се јавија голем број скептици кои мислат дека тоа не е вистинскиот Мел Гибсон.
„Во друштво на најголемото лице на Холивуд. Со нас преговараше за снимање на акционен сет, а Сејо игра споредна улога. Ние останатите сме сепак статисти и акробати”, напишале тие под фотографијата.
Дали вработените во ресторанот биле измамени од некој што личи на Мел Гибсон или станува збор за шега или можеби реклама не е познато, но коментарите под фотографијата се урнебесни.
„Типов се најаде и напи за сите пари. Ако е ова Мел Гибсон, јас сум Бред Пит. Мел Гибсон од Фоча. Овој повеќе личи на Драган Дабиќ (маскиран Радован Караџиќ) него на Мел Гибсон“, коментираа некои од нив.
Некои од медиумите пренесоа дека кога била објавена фотографијата, Мел Гибсон бил виден во Лас Вегас и покрај тоа што неговата сопруга Сеја Брајловиќ рече дека на фотографијата навистина е познатиот актер.