пред 3 години 
Музичката ѕвезда Бритни Спирс наводно работи на нови песни по шест години пауза. Таа го објави својот последен албум Glory во 2016 година, а потоа реши да престане да снима и да настапува додека не се ослободи од старателството што врз неа и врз нејзиниот имот го имаше татко ѝ.
Иако поп-ѕвездата не врши никаков притисок врз себе да издаде албум веднаш, нејзиниот тим почнува да размислува за нова музика и веќе се во контакт со некои поранешни соработници, објави весникот „Сан“ цитирајќи анонимен извор.
„Стапено е контакт со неколку луѓе со кои таа се чувствува пријатно да работи и ги прашале дали би сакале повторно да работат на музика со Бритни и изгледа дека сите сакаат да бидат вклучени“, изјавил близок пријател на пејачката.
„Таа помина низ неверојатно тешки години, но длабоко во себе сака да прави музика и да настапува, така што новата музика навистина може да ѝ помогне да сврти нов лист“, вели изворот.