пред 4 години 
Ким Кардашијан Вест од својот сопруг Канје Вест доби многу оригинален и неконвенционален, но донекаде страшен подарок за нејзиниот 40-ти роденден.
Нејзиниот сопруг и подари холограм од нејзиниот покоен татко, Роберт Кардашијан, познат адвокат, кој трагично почина на 59-годишна возраст од рак на хранопроводот пред 17 години.
Ким Кардашијан го сподели видеото на Инстаграм, пишувајќи дека Кание и го дал најнежниот подарок што некогаш можела да го добие и дека не може со зборови да опише што значи тоа за неа, за нејзината сестра и брат.
Таа на Инстаграм напиша дека е подарок за паметење што ќе трае цел живот, за разлика од мноштвото нејзини обожаватели кои сметаат дека подарокот е чуден и малку застрашувачки.
Во видеото од две и пол минути, Роберт Кардашијан оживеа во виртуелниот свет и испрати специјална порака до својата најстара ќерка.
– Среќен роденден Кимберли, гледај, имаш 40 години. Изгледаш убаво, исто како кога беше мало девојче. Секојдневно се грижам за тебе и твоите сестри, брат и децата. Понекогаш ве известувам дека сум тука некаде, стои во холограмот.
– Дали се сеќавате како ве возев на училиште секој ден со мојот мал Мерцедес и како заедно слушавме песни, се сети тој и започна да танцува на ритмовите на хитот на Бери Ман од 1961 година.
Потоа и се обрати на Ким со посериозен тон.
– Многу сум горд на тоа каква жена стана Кимберли и на сè што си постигнала. Неверојатна е целата твоја напорна работа и сите деловни проекти што си ги изградила.
Роберт Кардашијан е добро познат калифорниски адвокат кој помогнал во одбраната на О.Џ. Симпсон за време на судењето во 1995 година за убиствата на Никол Браун Симпсон и Рон Голдман во 1995 година.