(Видео) Маж фати во раце девојче што паѓа од 12. кат
ЗАБАВА

(Видео) Маж фати во раце девојче што паѓа од 12. кат

пред 4 години

Доставувачот Нгујен Нгок Манх, кој чекал да остави пратка во зграда во Кина, спасил девојче што паѓало од 12. кат во зградата пред која стоел. Тој во еден момент погледнал нагоре и видел девојче што виси на балконот. Мажот веднаш истрчал од возилото во кое што седен и се обидел да најде начин да го спаси детето.

Тој се качил на настрешницата во долниот дел од зградата, под местото на кое девојчето се обидувало да одржи рамнотежа. Кога почнала да паѓа надолу, Манх успеал да ја фати и таа паднала во неговите раце.

Видеото од падот на девојчето се појави на социјалните мрежи.

„Слушнав како плаче дете, а потоа и некој како вреска за помош. Кога погледнав низ прозорецот на автомобилот го видов девојчето што висеше над бездна од 50 метри. Излетав од возилото и почнав да размислувам како да му помогам. Се качив на настрешницата, но во еден момент и самиот почнав да губам рамнотежа. Успеав да се стабилизирам и детето го фатив во раце“, раскажал тој за локалните медиуми.

Кога го фатил девојчето, мажот сфатил дека му тече крв од уста и веднаш повикал Брза помош.

„Не можев да размислувам за тоа што го направив. Штом видов како виси, помислив на ќерка ми и тоа ми даде сила“, рекол доставувачот.