пред 4 години 
Иако обувките со високи потпетици поради глобалната пандемија и потребата за удобност последниве неколку месеци останаа во втор план, нејзините верзии со пета висока само неколку сантиметри и понатаму се пожелни, а во прилог на тоа говори и богатата понуда на истите на полиците од продавниците.
Таканаречените слинкбек чевли чија главна карактеристика е отворениот дизајн на петата денес се најпосакувани со додатокот од минијатурна пета.
Овој тип обувки ѝ ги дава потребните сантиметри на фигурата вез жртвување на удобноста, а со самото тоа не нè чуди популарноста која ја уживаат на модната сцена.
Во прилог на популарноста на слинкбек чевлите доволно говорат и податоците од модниот пребарувач „Лист“ според кој потрагата по нив значајно скокнала во првите месеци од 2021 година, а со својот елегантен изглед неретко ги надминува и салонките.
Како нивна главна предност, жените ја истакнуваат удобноста. Благодарение на дизајнот во знак на каивче кое го обвиткува глуждот, не постои опасност од потенцијални плускавци на петата, а доколку се одлучите за модел слинкбек чевли со стабилен блок или минијатурна пета китен, во нив без сомнение ќе издржите цел ден.