пред 4 години Три лица, меѓу кои и малолетник биле повредени во сообраќајна несреќа што се случила вчера во вечерните часови во Скопје, информира МВР. Притоа едно од лицата се здобило со тешки телесни повреди.
Според МВР, вчера во 23.10 часот било пријавено дека на крстосницата од улиците „Коце Металец“, „Тајмишка“, „Гемиџиска“ и „Ферид Бајрам“ се случила сообраќајна незгода помеѓу патничко возило „цитроен“, управувано од М.Т.(50) од с.Волково, скопско, и патничко возило „ауди“, управувано од М.Л.(48) од Скопје, двете со скопски регистарски ознаки.
Во незгодата со тешки телесни повреди се здобила М.Т., додека со повреди се здобиле М.Л. и малолетен сопатник, констатирани во Комплекс клиники „Мајка Тереза“.
Извршен бил увид на местото на незгодата од увидна екипа од СВР Скопје, информира МВР.