Претреси во Виена, полицијата со експлозив ја разнесе вратата од домот на терористот

Австриските медиуми објавија дека терористот живеел во општинска зграда во Виена. Во 01:30 часот, полицијата ја разнела вратата со експлозив  и влегла во станот. По страотниот терористички напад во центарот на Виена, извршени се бројни претреси во куќи во близина на сторителот во градот Виена, а исто така и во Долна Австрија.

Во 1.30 часот, жителите ги разбудила експлозија – полицијата употребила експлозив за да влезе во станот на 20-годишниот напаѓач, за кој беше објавено дека има потекло од тетовското село Челопек. Тој околу  четири часот беше застрелан пред црквата Свети Руперт.