пред 4 години Контроверзниот австралиски тенисер, Ник Кирјос (25) продолжи да ја изненадува јавноста со своите изјави. Тој посетил психолог, но истакна дека сеансите баш и не му помогнале. Напротив, смета дека по нив само имал уште поголеми недоумици.
„Одев кај психолог, апсолутно без ефект. Навистина, се покажа дека тоа мое патување беше моја голема грешка. Докторот ми зборуваше секакви погрешни работи. Како резултат на тоа, сам се извлеков од незгодната ситуација во која западнав. Психологот само ми втурна непотребни работи во главата. Се каам што одев кај него“ рече Кирјос.
Австралиецот моментно е 45-ти светски тенисер, а во 2020-та година одигра само 9 меча и забележа 6 победи.
Ник Кирјос одлучи да не ја продолжува сезоната поради несигурната ситуација поради пандемијата со коронавирусот.
