пред 4 години Секторот за инспекциски работи на Општина Центар, денес со механизација отстрани два нелегално изградени објекти на улицата „Водњанска“, односно една импровизирана градба и една дрвена барака.
Откако инвеститорите на двата објекти не постапија по решениjaтa издадени од Секторот за инспекциски работи, кои налагаат самите тие во законски предвиден рок од три дена самостојно да ги отстранат градбите, општинските служби пристапија кон присилно административно извршување, односно отстранување на градбите.
„ Ова е само почеток на акцијата на Општина Центар во борбата против нелегално изградените објекти на нејзина територија. Издадени се вкупно 18 решенија за отстранување на нелегално изградени објекти, за кои јавноста дополнително ќе биде известена“ велат од Општина Центар.
Општината и градоначалникот Саша Богдановиќ повторно упатуваат апел до сите инвеститори и сопственици на нелегални објекти, да постапуваат по издадените решенија за отстранување на објектите. Во спротивно, како што предупредуваат, општината присилно ќе ги отстрани, со што трошоците за отстранувањето ќе паднат на товар на инвеститорите, односно сопоственците на нелегално поставените објекти.
Би можело да ве интересира
(Видео) Тешка сообраќајна несреќа кај Нови Сад – загина Хрват, а две жени и две деца од Македонија се тешко повредени
Романец измамил 77-годишна скопјанка – нудел производи и барал да му се плати во злато
Утре без струја делови на Кисела Вода, Ѓорче Петров и Карпош
ВМРО-ДПМНЕ најави кривична пријава за двајцата пратеници кои заразени со Ковид гласаа во Собранието
Утре умерено облачно време, од понеделник дожд
Почина најмладата медицинска сестра како последица на Ковид-19
