Пјер Карден погребан во ковчег што самиот си го дизајнирал

Легендарниот француски моден дизајнер Пјер Карден беше погребан во Париз. Погребот на гробиштата „Монмартр“ беше во присуство на најблискиот круг на семејството и пријателите, пренесува Би-би-си. Карден почина на 29 декември минатата година на 98-годишна возраст.

Црниот ковчег беше украсен со меч дизајниран од Карден, а на сечилото беа стилизирани ножици, игла, напрсток и калем со конец.

Тој беше погребан покрај неговата поранешна партнерка Андреа Оливер, која почина во 1993 година.

Пјетро Константе Карден е роден 1922 година, а како дете со родителите се преселил во Франција.

За време на својата седумдесетгодишна кариера, Карден доби статус на моден револуционер и е еден од најзаслужните за златната доба на оваа индустрија по Втората светска војна.

Тој основал своја модна компанија во 1950 година и се проби на големата сцена благодарение на футуристичките креации и вселенската колекција од 1964 година.

Веста за неговата смрт предизвика реакции во светот на модата.

Модниот дизајнер Жан-Пол Готје му се заблагодари на Карден што му ги отвори вратите на модниот свет и го претвори неговиот сон во реалност.