пред 4 години Поранешната романска тениска ѕвезда, а сега милијардер, Јон Циријак влезе во зачудувачки напад на Серена Вилијамс, велејќи дека освојувачката на 23 гренд слем трофеи треба да си замине од тенисот поради годините, но и килограмите.
„Ако Вилијамс имаше ронка пристојност, требаше веќе да е во пензија. На нејзините години и со тежината која ја има, не е лесно да се движи како пред 15 години. Дефинитивно треба да е готово“, вели 81-годишниот Циријак во интервју за романската телевизија „ТВР“.
Сопругот на Вилијамс, и ко-основач на „Редит“, Алексис Оханијан на Твитер кратко одговори на оваа изјава: „Можам безбедно да кажам дека никому не му е грижа што мисли Јон Циријак“.
Ова не е првпат Циријак да има вакви коментари за Серена, откако во 2018 изјави дека на женскиот тенис му се потребни нови ликови.
„Со целосна почит, но Серена има 36 години и 70 кила и би сакал да видам нешто поинаку, тенисерка како Штефи Граф“, изјави тогаш Циријак за германски весник.
Би можело да ве интересира
Звезда ја доби „мајсторката“ со Будуќност, по петти пат ја освои АБА лигата
Илјадници навивачи на Јунајтед на протест пред „Олд Трафорд“, го „зачадија“ и автобусот
Динамо со Адеми и Ристовски против Виљареал
Винисиус ги спаси „кралевите“ од домашен пораз од Сосиедад
Момчето вредно 37 милиони фунти, Амад Диало е новата 19-ка на „Олд Трафорд“
Милик: Јас сакав да одам во Рома, клубовите не се договорија
