Интер се продава, цената е меѓу 400 и 500 милиони евра?

Италијанскиот фудбалски клуб Интер најверојатно ќе добие нов сопственик.

Кинеската компанија „Сунинг“ на чело со семејството Жанг планира да излезе од клубот во период кога трпат големи загуби поради пандемијата на коронавирусот, пишуваат италијанските медиуми.

За 9 месеци од минатата година „Сунинг“ се во минус од 153 милиони долари.

Италијански „Кориере дело Спорт“ пишува дека преговорите за продажбата на „нероазурите“ се запичнати и тоа со фирмата „БЦ Партнерс“.

Наводно, потенцијалните купувачи Интер го вреднуваат меѓу 400 и 500 милиони евра. Тие би ги презеле и долговите на клубот кои се над 350 милиони евра.

„БЦ Партнерс“ е еден од најпознатите европски финансиски инвеститори со трансакција од преку 300 милиони на годишно ниво.