Драган Стојковиќ Пикси ќе биде селектор на Србија

Тренерот Драган Стојковиќ Пикси и поранешен југословенски фудбалер, за српските медиуми изјавил дека тој ќе биде наредниот селектор на фудбалската репрезентација на Србија.

„Да ќе бидам селектор на Србија. Следната недела го потпишувам договорот. Полн сум со енергија и ќе дадам сè од себе за да ја однесам Србија на Мундијалот во Катар“, изјавил тој за медиумите.

За потсетување, Пикси по повеќемесечно препирање, конечно го раскина договорот со клубот во Кина, каде досега работеше. Медиумите во Србија пишуваат дека „орлите“, конечно ќе имаат селектор со јасен авторитет, кој е препознатлив во светот и кој има шанси да ја однесе репрезентацијата на Мундијалот во Катар во 2022 година.