пред 4 години Од владеачката СДСМ велат дека со петтиот пакет мерки им се помага на занаетчиите и самостојните вршители на дејност, и се гради стабилна и развојна економија.
„Во тек е реализација на петтиот пакет економски мерки во вредност од 160 милиони евра насочен кон спасување на работни места, поддршка за домашните компании и подобрување на ликвидноста на стопанството“, стои во соопштението од СДСМ.
Објаснуваат дека на регистрираните занаетчии им се овозможува решенијата за аконтативно плаќање на персоналниот данок да им бидат намалени за 50% во 2021 година споредбено со решенијата од 2020 година.
Преку мерката 6 од овој пакет, додаваат од партијата се обезбедува финансиска поткрепа за граѓаните преку продолжување на мерката за одложување на плаќање на данок на личен доход до 30 јуни 2021 година.
„Вредноста за оваа мерка е 15 милиони денари, а таргет група се самостојните вршители на дејност кои согласно Законот за данок на личен доход беа ослободени од плаќање на аконтации до 31 март 2021“, велат од СДСМ.
Од таму укажуваат дека и во индина ќе продолжат со нови мерки и политики што ќе носат дополнителни можности за рестарт на македонската економија.
Би можело да ве интересира
Се намалуваат цените на горивата
СДСМ: Две минимални плати од 18.000 денари се доволни да се наполни кошничката
Брисел и Вашингтон разговараат за енергетското снабдување на ЕУ и Западен Балкан
НЛБ Банка Скопје, во соработка со Триглав Осигурување Живот, лансира нов производ Unit Linked – осигурување на живот со инвестиции
Посети во компании за поголема заштита на правата од индустриска сопственост
Поради стравот кај јавноста, АЕК распиша тендер за изработка на студија за влијанието на 4Г и 5Г мрежите
