Шекеринска најавува гасификација на касарните и поголема енергетска ефикасност

Сите реновирања на армиските објекти ги вршиме со посебно внимание за зголемување на енергетската ефикасност, напиша на социјалните мрежи, министерката за одбрана Радмила Шекеринска.

„Реконструкциите на објектите на командата на SEEBRIG во Куманово, објектите на ренџерите и гардата во касарната Илинден ги работевме со издвоени 20% од цената за чинење наменети за енергетска ефикасност. На истиот начин ќе ги реновираме и објектите на воената полиција во Илинден и уште два објекти во касарната во Штип“, наведува министерката во објавата.

Таа додава и дека годинава почнува проектот за гасификација на касарните во Петровец и Куманово, кои се загревале на мазут и нафта.

„Решени сме да дадеме најголем можен придонес во намалувањето на загадувањето, користењето на чистата енергија и во заштитата на животната средина“, посочува Шекеринска.