пред 4 години Дури 20 проценти од Американците рекле дека за време на пандемијата на коронавирус изгубиле роднина или близок пријател, покажала најновата анкета, која ја спровеле Агенцијата „Асошиејтед прес“ и Центарот за истражување на јавноста НОРЦ по повод една година од прогласувањето на пандемијата.
Заедниците со обоена популација се потешко погодени од коронавирусот. Со анкетата е утврдено дека 30 проценти од Афроамериканците и Хиспаноамериканците изгубиле роднина или близок пријател за време на пандемијата, додека тој процент меѓу белците е дури двојно помал – 15 проценти.
Утврдено е дека опаѓа загриженоста кај јавноста поради вирусот, како и дека фрустрацијата поради примената на санитарни мерки изразуваат дури и луѓе кои се во жалост поради загуба на некого за време на епидемијата.
Иако вакцините несомнено водат кон завршување на пандемијата, една третина Американци не планираат да се вакцинираат, а во тоа предничат младите луѓе, граѓани без факултетски дипломи и Републиканци.
Бројот на починати од Ковид-19 во САД достигна 529.000.
Би можело да ве интересира
Украински омбудсман: Најмалку 78 деца убиени во Украина
Aкутната фаза на пандемијата со коронавирус ќе заврши во 2022, предвидува Бил Гејтс
(Видео) Најмалку петмина загинати а околу 40 повредени кога автомобил влета во божиќна парада во Висконсин
Четвртиот бран е веќе тука, од одмор одете директно во изолација, порачуваат експертите во Словенија
САД: Две деца пукаа во полицијата, едно девојче e рането
Во Мексико прва пациентка заразена со Ковид-19 и грип истовремено
