пред 4 години Портланд Трејлблејзерс и Њу Орлеанс Пеликанс го одиграа највозбудливиот натпревар оваа сезона во НБА лигата. Дуелот, во кој доминираше Демијан Лилард, заврши со победа на Портланд 125:124.
Веројатно ниту на играчите на Портланд не им е јасно како успеаја да ги победат Пеликаните.
На шест минути до крајот Њу Орлеанс имаа предност од 17 поени (117:100), кога Портланд ја започнаа серијата во која постигнаа 24, а примија четири поени. Самиот финиш, беше најлудиот во НБА сезонава. Портланд во последните пет секунди ја стигнаа и престигнаа предноста на Њу Орлеанс од 124:121.
Лилард погоди две слободни фрлања (124:123), а откако Александер-Вокер ја продаде топката, Лилард повторно беше фаулиран и од линијата за слободни го постави конечниот резултат.
Лилард натпреварот го заврши со 50 поени, шест скока и 10 асистенции. Кај Пеликанс се истакнаа Брендон Инграм со 30 поени и Зајон Вилијамсон со 28 поени, пет скока и осум асистенции.
Би можело да ве интересира
Тинејџерката Гоф ќе ја предизвика Швјонтек во финалето на Ролан Гарос
Расел: Подготвен сум за Мерцедес
„Аѕурите“ во продолженијата ја „решија“ Австрија за четврт-финале
Челси со предност од 1-0 на „Драгао“ – режија Маунт, главна улога Хаверц
Норвешка се откажа од организацијата на турнирот за пласман на ОИ во Токио
Кошмарна трка во Бахреин, триумф на Хамилтон, Грожан извади „жива глава“
