пред 4 години Никола Јокиќ сериозно ја истакнува кандидатурата за МВП наградата. Центарот на Денвер Нагетс, изминатата ноќ го запиша 12. трипл-дабл во сезоната, 53. во кариерата. Во досегашниот тек од сезоната, само Расел Вестбрук има повеќе трип-дабл учиноци од Јокиќ.
Денвер Нагетс, заблежаа победа на Флорида, во дуелот со Орландо Меџик 110:99. Јокиќ за 37 минути забележа 28 поени, 15 скокови, 10 асистенции, две украдени топки и една блокада.
Јокиќ го надигра својот пријател Никола Вучевиќ, кој за Орландо Меџик забележа 18 поени, седум скока и две асистенции. Најефикасен на овој натпревар беше Еван Фурние од Орландо со 31 поен.
Дербито помеѓу Бруклин и Портланд им припадна на Нетс 116:112.
Портланд и Демијан Лилард (22 поени, 9 асистенции), немаа решение за Џејмс Харден (25 поени, 7 скока, 17 асистенции).
Од асистенциите на Харден профитираа Џеф Грин (20 поени) и Џо Херис (17 поени). Кај Портланд покрај Лилард се истакна уште само Енес Кантер (19 поени, 19 скокови).
ЛА Лејкерси, без Леброн Џејмс и Ентони Дејвис не можат никого да победата. Актуелните шампиони го положија оружјето пред Њу Орлеанс Пеликанс (111:128).
Брендон Инграм на својот поранешен клуб му испорача 36 поени, Зајон Вилијамсон постигна 27.
Резултати:
Њујорк-Вашингтон 131:113
Мајами-Финикс 100:110
Голден стејт-Филалделфија 98:108.
Би можело да ве интересира
(Видео) Валенсија со пенал-победа над Лас Палмас
Таткото на англискиот херој Белингем е полицаец со над 700 постигнати голови
Вечерва стартува ракометниот Мундијал во женска конкуренција
Ренџерс не ги пуштија легендите на Селтик на „Ајброкс“
Баерн царува во Германија! Прв трофеј за Јулијан Нагелсман!
Богдановиќ заминува од Атланта?
