пред 4 години Тренерот на Јувентус, Андреа Пирло потврди дека тројцата фудбалери кои присуствувале на забавата во домот на Вестон Меккени не се повикани за дербито со Торино овој викенд.
Претходно, „бјанконерите“ ги демантираа шпекулациите дека освен Меккени, Пауло Дибала и Артур Мело, на забавата на Американецот присуствувале и други фудбалери. Полицијата ја растури „собиранката“ во средата, бидејќи во Италија е забрането да се прават приватни забави, а покрај тоа има полициски час во цела земја од 22 часот до 5 часот наутро.
„Тројцата фудбалери кои беа вклучени не се повикани за утрешниот меч. Ќе продолжат со работа, а потоа ќе видиме што ќе правиме. Јас ја направив одлуката, другото е до клубот. Вакви работи се случуваат, но сега не е време за тоа поради сите случки во светот. Не е вистинско време за забави и ние мора да поставуваме пример“, вели Пирло, кој инаку додека беше фудбалер беше познат по својот бурен ноќен живот.
Би можело да ве интересира
Мурињо го израмни рекордот, Рома ја „прегази“ ЦСКА Софија
Спектакуларен трансфер во најава – Дончиќ и Ленард ќе бидат соиграчи
Баркли: Пипен ги урива сите мостови
Шкотланѓаните покажаа дека се еднакви со Англичаните во ремито без голови
Во Токио 160.000 кондоми за спортистите, но со порака – не ги користете!
Лапорта: Меси носи повеќе пари од она што го зема
