пред 4 години 
Голманот на Јувентус, Џанлуиџи Буфон, синоќа го одигра последниот натпревар за „старата дама“. Италијанскиот голман по завршувањето на сезоната, ќе го напушти Јувентус, но, не најави дека ќе се пензионира.
Синоќа клубот од Торино минимално ја порази Аталанта со 2:1 и го освои Купот на Италија. За Јувентус ова е 14 титула во Купот, а до неа дојде со головите на Кулушевски и Киеза, за Аталанта погоди Малиновски.
Со овој трофеј, Јувентус успеа да ја спаси катастрофалната сезона. Клубот во моментов се наоѓа на петтото место во Серија А, место со кое не може да обезбеди пласман во Лига на шампиони.