пред 4 години Државниот секретар на САД, Ентони Блинкен, денеска ќе ја започне посетата на Ерусалим, Рамала, Каиро и Аман, која ќе трае до четврток, 27 мај, објави Стејт Департментот.
Во соопштението се наведува дека Блинкен ќе ги посети споменатите градови на барање на претседателот на САД, Џо Бајден.
Стејт Департментот посочува дека Блинкен најпрво ќе отпатува за Ерусалим, каде ќе се сретне со израелскиот претседател Реувен Ривлин, израелскиот премиер Бенјамин Нетанјаху, израелскиот министер за надворешни работи Габи Ашкенази и други високи функционери на таа земја.
Блинкен ќе се состане во Рамала со претседателот на палестинските власти Махмуд Абас, палестинскиот премиер Мохамед Стајех и други високи функционери.
Според Стејт Департментот, државниот секретар на САД ќе отпатува од Рамала за Каиро за да се сретне со египетскиот претседател Абдел Фатах ал-Сиси и египетскиот министер за надворешни работи Самех Шукри.
Соединетите Американски Држави соопштија дека се подготвени да соработуваат со палестинските власти и ООН за да обезбедат брза испорака на хуманитарна помош и да соберат средства за реконструкција на Газа.
„Во моментов сме фокусирани на хуманитарната состојба, на реконструкција и работиме со сите – Палестинци, Израелци, партнери од регионот“, рече Блинкен за Си-Ен-Ен.
Би можело да ве интересира
Шумски пожари во близина на Атина, еден град е евакуиран
Курти: Подготвуваме апликација за членство на Косово во НАТО и ЕУ
Аеродромот Никола Тесла во Белград беше затворен поради дојава за бомба
Талибанците го нападнаа меѓународниот аеродром во Кандахар
Главната уредничка на „Асошиејтед прес“ бара истрага за ракетирањето на зграда во Газа
Трамп го смени шефот на Агенцијата за сајбер безбедност
