пред 3 години Најмалку три хотели со пет ѕвездички во Женева се целосно резервирани за 15 и 16 јуни, кога ќе се одржи самитот на рускиот претседател Владимир Путин и американскиот претседател Џо Бајден.
Во луксузните хотели во Женева, „Интерконтинентал“, „Претседателот Вилсон“ и „Бо Риваж“, сите соби и апартмани се резервирани, а сместување сè уште може да се најде само во помалите хотели, беше потврдено за дописникот на ТАСС.
Во овие три луксузни хотели се сместени скоро сите службени лица, важни учесници и гости на меѓународните самити и состаноци на највисоко државно ниво.
Швајцарските медиуми предвидуваат дека и рускиот претседател Владимир Путин и американскиот претседател Џо Бајден ќе бидат сместени во хотелот „Интерконтинентал“, кој се наоѓа недалеку од Палатата на нациите, европското седиште на светската организација и потсетуваат дека во истиот хотел престојувале советскиот лидер Михаил Горбачов и американскиот претседател Роналд Реган за време на историскиот самит во 1985 година.
Би можело да ве интересира
Договорени се повеќе хуманитарни коридори за Суми
Црвениот крст потврди дека не се соочува со никакви ограничувања од талибанците
(Видео) Апокалиптични снимки по торнадото во Словачка, расте бројот на мртви
(Видео) Пронајден е биолошки материјал и остатоци од бугарскиот авион што се урна во Црното море
Струјата во Србија поскапува од утре за 3,4 отсто
Макрон: Ќе ја зголемиме претпазливоста поради новиот вид коронавирус
