пред 3 години Двајца тинејџери во американската држава Флорида побегнале од дом за напуштени деца, упаднале во куќа, а потоа пукале кон полицијата која интервенирала на самото место, објавија властите.
12-годишно момче и 14-годишно девојче пронашле пиштол и пушка со поголема количина муниција во куќата каде упаднале во Флорида, и пукале кон полициските службеници кои интервенирале по пријава на минувачите, пренесува Ројтерс.
Во тој конфликт рането е девојчето кое пукало кон полицајците, а дванаесетгодишното момче го предало оружјето набргу потоа и не било повредено, соопшти полицијата.
Девојчето било оперирано и е во стабилна состојба, а ниту еден од полициските службеници не бил повреден во пукотниците.
Претходно истиот ден, девојчето и момчето избегале од Домот за деца без родители на Методистичката црква во Ентерпрајз во Флорида.
Би можело да ве интересира
Макрон: Шведска и Финска ќе дадат значаен придонес во НАТО алијансата
Мишел: Членките на ЕУ треба да размислат за азил за руските војници кои ја напуштаат војната
Земјите од Западен Балкан се обврзаа на воспоставување на директни железнички конекции помеѓу големите градови
Речиси половина Австралија е во „локдаун“
Во ресторан во Загреб откриени респиратори украдени во Шведска
Во Франција се вакцинирани 1,86 милиони луѓе
