пред 3 години Роналд де Бур признава дека како и поголемиот дел од холандската јавност е изненаден од 5-3-2 формацијата на неговиот брат, селекторот Франк де Бур, објаснувајќи дека „Јохан Кројф би се превртувал во гробот кога би ја видел формацијата“, но додава дека може да се игра и на таков начин.
Холандија, фаворитот во нашата група Ц на ЕУРО 2020 покрај Австрија и Украина, одигра само 2:2 со Шкотска во пријателскиот меч со Шкотска, кога постигнаа гол во финишот на натпреварот. Ова предизвика бура реакции на фановите, посебно бидејќи тие играа дефанзивна формација наместо традиционалната „холандска“ 4-3-3.
„Да, Јохан Кројф би се превртувал во гробот да го види ова. Но, исто така би го правел тоа кога би видел како игра Барселона под Роналд Куман. Ова е атрактивен систем и важно е како да го поставиш. Кога имаш двајца опасни противници пред себе, корисно е да ставиш некого меѓу двајцата централни дефанзивци. Така имаш некоја сигурност и можеш да играш офанзивно“, вели Роналд де Бур.
Холанѓаните денеска го играат својот втор пријателски меч пред ЕУРО 2020 против Грузија.
Би можело да ве интересира
Кејн е „соло“ во Германија – сопругата реши да остане во Англија
Валверде за „караниците“ со Меси: Подобро е луѓето да не знаат сè
Ек вели дека собрал пари, ќе даде сериозна понуда за Арсенал
Сусо со „голчиште“ донесе победа за Севилја
Артета за Пепе: На ова ниво тоа е неприфатливо
Ако Србија се пласира на ЕП секој играч ќе добие по 100.000 евра
