пред 3 години Секоја нова победа на хрватскиот тениски ветеран – Иво Карловиќ носи нов рекорд.
Хрватскиот тенисер повторно победува на АТП турнир, и тоа по првиот настап по 6-месечна пауза.
Во првото коло на турнирот на трева во американски Њупорт, Карловиќ со 2-1 (по сетови 6:7, 6:1, 6:4) славеше победа против 24-годишниот шпански тенисер Бернабе Запата Миралес (120. на АТП листата).
Со оваа победа популарниот „Д-р Иво“ стана најстариот победник на еден АТП турнир со 42 години и 135 дена.
Ова е втора овосезонска АТП победа за Карловиќ откако славеше и во првото коло на турнирот во Делреј Бич.
Претходно рекордер во оваа категорија беше легендарниот Џими Конорс кој во 1995 година исто така во 43-тата година настапи на турнирот во Хале и таму стигна до четвртфиналето.
Еден друг рекорд на Карловиќ веројатно никој нема да го сруши уште долго време. Со 24-те аса на мечот со Запата Миралес хрватскиот ас стигна до бројка од 13.677 асови, на 691 меч.
Засега втор на таа листа е Џон Иснер со 12.711 асови, додека Федерер досега има 11.478, но на 1.462 меча.
Би можело да ве интересира
По спектакуларниот натпревар во Бундес лигата, полицаец пукал во комбе на навивач
Марсеј со победа кај Жирондинците до второ место во Франција
Македонија „покажа заби“ и во Црна Гора – минимален пораз 31:30
Бензема: Горд сум што се враќам во репрезентацијата
Лактот на Бејл заврши во лицето на Кудела – Коментаторот на „Скај спорт“ ликуваше
Шампионот ќе стартува од пол-позиција на неделната трка во Португалија
