Училиштата во Црна Гора почнуваат со настава на 1 септември, часот ќе трае 30 минути

Министерството за образование на Црна Гора соопшти дека учебната година треба да започне на 1 септември, без одлагање, а со оглед на епидемиолошката состојба, извесно е дека наставата ќе трае 30 минути, изјави државниот секретар во тој ресор, Милица Кадовиќ.

Говорејќи во утринската програма на Телевизијата на Црна Гора, таа рече дека Министерството подготвило два модели за можно функционирање на училиштата.

Едниот модел е децата да одат на училиште, а другиот е онлајн.

„ Нашата намера е училиштето да започне на 1 септември без никакви одложувања и часот да трае 45 минути. Меѓутоа, како што ИЈЗ ги објави мерките што се во сила, најверојатно ќе треба да го корегираме траењето на часот.. и сега е сигурно дека ќе трае 30 минути“ рече Кадовиќ.