пред 3 години Водителот Марко Новески се ожени со својата девојка Цена Плавевска. Тие склучија граѓански брак, а на венчавката освен кумот и старосватицата, дојдоа само најблиските членови на семејството. Марко носеше панталони и кошула, а невестата избра бело-жолта сукња наместо венчаница.
Познатиот водител не криеше дека е пресреќен што се ожени и објави неколку фотки од венчавката.
„Се оженииииив. Те сакам Цена и едвај чекам да видам како ќе се одвива нашата приказна. Голема благодарност до кумот Дамјан за безрезервниот ангажман околу целата работа и до старосватицата Сашка за стручната логистика околу овој чин“, напиша тој.
Марко и Цена добија голем број честитки, а некои од пријателите се шегуваа дека првиот свадбен бакнеж им бил под маски, па ќе мора да го повторат кога ќе заврши короната, и тогаш да направат голема свадба.
Марко долго години е еден од најпопуларните телевизиски и радио водители кај нас. Водеше неколку емисии и квизови, а најпопуларно од сите беше шоуто „Дај побрзај“.
View this post on Instagram