(Видео) ВМРО-ДПМНЕ ќе ја поддржи Данела Арсовска за градоначалник на Скопје

ВМРО-ДПМНЕ ќе ја поддржи Данела Арсовска за градоначалник на Скопје, изјави лидерот на партијата, Христијан Мицкоски.

Арсовска претходно најави дека ќе настапи како независна кандидатка на локалните избори во октомври.

„Избравме решение кое обединува, решение кое натпартиски ќе обезбеди компетентни луѓе. Токму затоа Извршниот комитет, а потоа и Централниот комитет донесоа одлука ВМРО-ДПМНЕ да ја поддржи Данела Арсовска. Личност со импозантна биографија, докажани успеси во стопанството, жена која го предоди Сојузот на стопански комори“, рече Мицкоски.

Тој рече дека Извршниот комитет донел одлука за уште десеттина кандидати за градоначалници на општини, но имињата ќе бидат соопштени утре.