пред 3 години Судот во Белорусија денеска ги осуди водечките опозициски активисти на 10 и 11 години затвор, пренесува АП.
Висока членка на координативниот совет на опозицијата, Марија Колесникова, која се наоѓа во притвор од септември минатата година, а судот ја прогласи за виновна за обид за преземање на власта, создавање екстремистичка организација и повикување на дејствија што ја нарушуваат државната безбедност, беше осудена на 11 години затвор.
Уште еден од лидерите на Координативниот совет, адвокатот Максим Знак, кој се соочи со истите обвиненија, беше осуден на 10 години затвор.
Колесникова, која помогна во координирањето на протестите на опозицијата во август 2020 година, по претседателските избори на кои победи Александар Лукашенко, не сакаше да ја напушти земјата, иако властите ја принудија на тоа, додава американската новинска агенција.
Кога, наводно, белоруски тајни агенти ја донеле на границата со Украина минатиот септември и со цел да ја протераат од земјата, го искинала пасошот и се вратила во Белорусија, кога била уапсена.
Би можело да ве интересира
Зеленски го потпиша барањето за итен влез на Украина во ЕУ
НАТО ќе ја разгледа можноста за испраќање нови војници во Југоисточна Европа
Омикрон е 4 пати позаразен од делта и успешно го избегнува имунитетот
Експлозија во џамија во Кабул, четворица загинати и повеќе од 20 повредени
СЗО ги анализира извештаите поврзани со „Астра зенека“, засега нема докази
Милиони Американци отпатувале на семејни средби за Денот на благодарноста и покрај предупредувањето да не се групираат
