Германскиот автомобилски концерн се приклучи на се поголемата група производители кои урбаната мобилност во иднина ја гледаат преку автономни повеќенаменски капсули на електричен погон

Автономните електрични возила кои ќе патуваат по градските улици во наредните години и децении треба да бидат основа за урбана мобилност. Така мислат Мате Римац и Гордон Мареј, така мислат Citroen, Honda и General Motors, а се чини дека и Volkswagen е убеден во тоа претставувајќи го концептот за автономно роботакси OnePod.

Примарната цел е автономното возило да биде достапно на барање, велат од Volkswagen. Овој концепт не се разликува премногу од некои веќе видени и треба да служи како платформа со можност за различни внатрешни конфигурации. Така, OnePod може да биде шатл за до четири патници, превозно средство за семејство со деца или лица со посебни потреби, како и превоз на сите други лица (деца, пензионери …) кои инаку не можат да се движат наоколу низ градот самостојно.

OnePod се истакнува со големите стаклени површини што ви овозможуваат да ја видите околината, но и со големи екрани внатре кои на патниците им ги обезбедуваат сите потребни информации и овозможуваат контрола на возењето. Практичноста на возилото ја покажува и можноста за спуштање или подигнување на шасијата, која може автоматски да се прилагоди висината на тротоарот – таВолксњагенVolkswagenка што патниците во инвалидски колички, како и секој друг, ќе можат да влегуваат и излегуваат преку голема лизгачка врата. На задната страна на OnePod има и место заВолксњаген велосипед.

Овој концепт е развиен во Центарот за развој и дизајн на Volkswagen, Future Center Europe во Потсдам, и ќе биде изложен во Берлин на крајот на годината на изложбата Go.City – The Future of Urban Mobility.

Извор: Додај Гас