пред 3 години Владата купува струја за 210 евра од мегават, а може да ја произведува 4 пати поефтино, реагираат од ВМРО-ДПМНЕ.
„5.5 милиони евра колку што изнесува набавката на 26.000 мегавати струја се пари, со кои доколку се употребеа за домашно производство ќе се произведеше 4 пати повеќе струја или над 100.000 мегавати. Владата наместо како сега да дава 5.5 милиони евра за купување на екстремно скапа струја, можеше истите овие пари на време да ги инвестира во РЕК, да се наполни депонијата со јаглен и да произведува струја од домашни капацитети. Но наместо инвестиции во РЕК, власта тераше тендери со РЕК. Сега на прагот на зимата јаглен на депонијата има само за два три дена“, пишува во соопштението од партијата на Христијан Мицкоски.
Ваквото расипништво на власта, се додава во напишаното, е пример како не треба да се управува со енергетските ресурси на државата.
„Оваа влада нема капацитет да се справи со енергетската криза, во која сами не втурнаа, потребни се промени, ВМРО-ДПМНЕ знае како да ја извлече државата од енергетски колапс“, стои во напишаното од ВМРО-ДПМНЕ.
Би можело да ве интересира
Нови цени на горивата од полноќ
Рехабилитацијата на пистата на скопскиот аеродром почнува на 28 март и ќе трае 50 дена
Попусти до -40%, -50% и до -70% во продавниците на Скопје Сити Мол
Главниот извршен директор на Халкбанк Турција, Осман Арслан ја посети компанијата Халк Осигурување АД Скопје, со цел давање комплетна поддршка на осигурувањето во Северна Македонија
„Фејсбук“ ја укина забраната за објавување вести во Австралија
(Видео) Маркоска: Со ребалансот спасуваме работни места, ја помагаме економијата и финансираме капитални проекти
