Веќе неколку месеци слушаме за подбрендот на Xiaomi и неговата нова серија Redmi K50, и иако компанијата сè уште нема вести за нејзиното лансирање, доверливиот дојавувач Digital Chat Station вели дека Redmi K50 линијата е планирано официјално да биде претставена кон крајот на февруари 2022 година. Тоа не е изненадување, бидејќи К40 серијата е претставена во истиот период оваа година.

Дојавувачот исто така тврди дека, како и К40 линијата, Redmi K50 серијата ќе се состои од четири модели, најверојатно наречени K50, K50 Pro, K50 Pro+ и K50 Gaming.

Се очекува дека Redmi K50 Pro+ ќе го покренува новонајавениот Snapdragon 8 Gen 1 SoC, додека K50 Pro ќе има Snapdragon 870 чипсет. Од друга страна, стандардниот K50 и K50 Gaming се очекува да пристигнат со Dimensity 7000 и Dimensity 9000.

Се шпекулира дека Redmi K50 Gaming има примарна камера од 64 MP и доаѓа со батерија од 5.000 mAh, додека K50 Pro+ се вели дека има примарна камера од 108 MP на која е додадена  телефото перископ единица.

Слушнавме и гласини за серијата Redmi K50 која доаѓа со полнење од 100 W и IP68 отпорност на прашина и вода, но не ги очекувајте овие карактеристики на сите четири модели.