пред 3 години На еден час пред затворањето на гласачките места, односно до 18 часот, на вонредните избори за претседател на СДСМ гласале 40.220 членови, односно 78,5 отсто од активно регистрираните гласачи, информираат од партијата.
Од таму додаваат дека гласањето тече мирно, демократски на сите 194 гласачки места, во 80 општини.
„По затворањето на гласачките места во 19 часот и по обработка на податоците, Централната изборна комисија ќе ги соопшти резултатите од вонредните внатрепартиски избори за претседател на СДСМ“, се наведува во партиското соопштение во кое се додава дека преку непосредните избори за претседател, СДСМ поставува највисоки стандарди во македонската демократија.